காதல் தேவதை

 

இயற்கை அன்னை யினிகழ்ச்சி காளானேன்

இம்மண்ணுயிர் வாழ்க்கை க்குமந்த விண்ணுலக

வேந்தர்க்குமிடை கலகமுற காரணமானேன் - நான்

வேறேதும் செய்தில்லை உனையுருகி நினைத்ததொழிய.

 

அகண்ட வெளியிலே அற்புதம் புரிந்தவள்

உயிரூட்டம் கொண்ட ஒற்றைக் கோளவள்

நிலமகள் முதலவளாவாள் மற்றோர்க்கு – என்

உளமகள் நீயின்றி என்னுயிரூட்டம் இல்லாதே

 

நிரின்றி அமையாது உலகென்றான் பெருந்தகை

பரிணாம தினடிப்படை என்றான் அறிவியலான்

இருவரு மிழைக்க வில்லைப்பிழை – என்

உலகென்பது உன்னால் அமையப்பெறு வதினாலே

 

காற்று வெளியிடையில் காதலை சொன்னாலும்

காற்றைடைத்த பைதான் மெய்யென் றுணர்ந்தாலும்

நின்றிடுமே என்சுவாச மொருகணத்தில் – என்

நினைவினில் சிந்தைகணமேனும் நீங்கினால் நீ

  

உருகொண்ட அக்கினி யாகத்தின் உச்சாணி

ஊண்கொண்டு சேர்ப்பதூ மிதுவே தேவர்க்கும்

கொடுப்பதூ மிதூவே அழிப்பதுமிதுவே - என்

நடுஆகம் நிறைந்திட்ட உயிர்த்தீயும் நீயே

 

அனைத்தையும் அடக்கிய ஆகாச வெளியாம்

அண்டவும் அடையவும் முடியாத முடிவிலியாம்

பிரம்மவடிவமாய் தோற்றத்தின் முதலுமாமது – என்

காரிகைக்குப் பின்னே கடுகாய்த் தெரிவதேனோ?

 

ஆயிரம் யுகங்களாய் ஆட்டுவைத்த அகந்தைதான்

கயல்விழி யாள்நீ ஒருவுருவாய் தோன்றி

சிற்றானுலகின் ஐம்பூதங் களானதினால் – எனை

குற்றனாய்க் கூடிக்குறை யிட்டார் பேருந்தேவர்.

 

-      நிரஞ்சன் குமார்