பாரதி கவிதைகள்-2

அனைவருக்கும் சுதந்திர தின வாழ்த்துகள்.................!
பாரதியின் பாடல்களில் மிகவும் புகழ் பெற்றவை அவரின் தேசப்பற்று பாடல்கள்.
அவற்றில் ஒன்று,

விடுதலை............ விடுதலை............ விடுதலை...........
1. பறைய ருக்கு மிங்கு தீயர்
புலைய ருக்கும் விடுதலை!
பரவ ரோடு குறவ ருக்கும்
மறவ ருக்கும் விடுதலை!
திறமை கொண்ட தீமை யற்ற
தொழில் புரிந்து யாவரும்
தேர்ந்த கல்வி ஞான மெய்தி
வாழ்வ மிந்த நாட்டிலே.
விடுதலை............ விடுதலை............ விடுதலை...........
2. ஏழை யென்றும் அடிமை யென்றும்
எவனு மில்லை ஜாதியில்,
இழிவு கொண்ட மனித ரென்ப
திந்தி யாவில் இல்லையே!
வாழி கல்வி செல்வ மெய்தி
மனம கிழ்ந்து கூடியே
மனிதர் யாரு மொருநி கர்ச
மான மாக வாழ்வமே
விடுதலை............ விடுதலை............ விடுதலை...........
3. மாதர் தம்மை இழிவு செய்யும்
மடமை யைக்கொ ளுத்துவோம்;
வைய வாழ்வு தன்னி லெந்த
வகையி னும்ந மக்குள்ளே
தாத ரென்ற நிலைமை மாறி
ஆண்க ளோடு பெண்களும்
சரிநி கர்ச மான மாக
வாழ்வ மிந்த நாட்டிலே.
விடுதலை............ விடுதலை............ விடுதலை...........

Comments

Post a Comment

Popular posts from this blog

என் கவிதை - முத்துநகர்

தும்பை அணிந்த னையோ பூமிமங்கை என பார்த்ததும் வியப்ப ளிக்கும் - எட்டுத் திசையிலும் கண் எட்டும் வரையிலும் பரந்தெங்கும் தெரியும் உப்ப ளங்கள்! ஆயிர மாயிரம் ஆண்டுகளாய் அள்ளித் தரும் அன்னைமடியா ழங்கண்டு - எங்கும் அணிக்கணி சேர்க்கும் முத்துக் குளித்து தமிழ் மண்ணின் புகழ்சேர்க்கும் முத்துநகர்! ஈன்றவனுக்கு இன்பத்தமிழ் ஈன்ற அழகனவன் தமிழ்க்குறத்தி உடன் அருள்புரியும் - அவன் அறுபடையில் ஒரு படையாய் விளங்கும் திருச் செந்தூர் கொண்ட திருநகரம்! தாய் நாட்டின் துயர்துடைக்க பரங்கியர்தம் பரையறுத்த மறையராம் பொம்மன் - முதல் தீரமிக்க வாஞ்சி உடன்சீர்மிகு சிதம்பரமுங்கூட பாகைக் கவிஞனையும் சேர்த்தளித்த வீரநகர்! அகன்ற வனங்களினூடே ஓடும் ஓடைகள் கரைபுரண்டோடும் கண்மாய்கள் - அதனருகில் இன்பக்களி யாட்டம் போடும் தோகைமயிலென கண்கொள்ளா இயற்கையின் இளையமகள் - எந்தன் நகர்!
Read more

மழை-- என் கவிதை.......!

நாற்று நட்ட நாள்முதலாய் நாவறண்டு போகுமாறு கூப்பிட்டும் எட்டிக் கூடப்பார்க்கா திருந்து அறுவடை செய்யும் நாளன்று மனம் அதனுடன் சேர்த்தழுமாறு - கொட்டும் மழை ஓர் செவிட்டு தெய்வம்.
Read more

பாரதியார் கவிதைகள்-1

கண்ணம்மா - அங்க வர்ணனை பல்லவி எங்கள் கண்ணம்மா நகைபுது ரோஜாப் பூ; எங்கள் கண்ணம்மா விழிஇந்த்ர நீலப் பூ! எங்கள் கண்ணம்மா முகஞ்செந் தாமரைப் பூ; எங்கள் கண்ணம்மா நுதல்பால சூர்யன். சரணங்கள் 1. எங்கள் கண்ணம்மா எழில்மின் னலைநேர்க்கும்; எங்கள் கண்ணம்மா புருவங்கள் மதன் விற்கள்; திங்களை மூடிய பாம்பினைப் போல சேறிகுழல்; இவள் நாசி எட் பூ. 2. மங்கள வாக்கு நிதியானந்த ஊற்று; மதுர வாய்அமிர்தம்; இதழமிர்தம்; சங்கீத மென்குரல் சரஸ்வதி வீணை; சாய லரம்பை; சதுர் அயி ராணி 3. இங்கித நாத நிலைய மிருசெவி; சங்கு நிகர்த்த கண்டம் அமிர்த சங்கம்; மங்களக் கைகள் மஹாசக்தி வாசம்; வயிறா லிலை, இடை அமிர்த வீடு. 4. சங்கரனைத் தாங்கு நந்திபத சதுரம்; தாமரை யிருதாள் லக்ஷ்மீ பீடம்; பொங்கித் ததும்பித் திசையெங்கும் பாயும் புத்தன்பும் ஞானமும் மெய்த்திருக் கோலம்.
Read more